بطن الحوت
كلنا طبعا عارفين قصة سيدنا يونس والحوت
وعارفين
كمان إن الحوت إبتلعه وهو في البحر.. وعاش سيدنا يونس في ظلمات في بطن
الحوت لفترة من الزمن قبل أن ينقذه الله ويخرجه .. والسبب طبعا لهذا
الابتلاء الشديد من الله رغم إن سيدنا يونس كان نبيا صالحا هو:- أن سيدنا
يونس تواجد في مكان لم يأمره الله أن يتواجد فيه
وده بالظبط اللي انا حاسس بيه تجاة الامة الاسلامية الأن ... حاسس إننا
بنمر بظلمات في ظلمات .. وكأن الله قد أمر حوت كبير أن يبتلع هذه الامة
بالكامل
وده برده سببه: هو أن الله قد وجدنا علي حال غير الحال الذي أمر الله
بها .. فأنتشر الفساد والانحلال والتعصب الأعمى والأنانية بين الناس
وفضلنا فاكرين حاجة واحدة بس ونايمين عليها هي: إننا خير أمة أخرجت للناس ... بس للأسف نسينا أهم حاجة أحنا ربنا وصفنا بكده ليه؟
يعني تحولنا وبقينا زي اليهود لما بيقوله علي نفسهم: إحنا شعب الله المختار
أو زي الالمان ما بيقولوا علي نفسهم: ألمانيا فوق الجميع
لأ يا ناس.....لأ إحنا ربنا وصفنا بكده ولكن بأسباب وبشروط وهي: تأمرون بالمعروف وتنهون عن المنكر وتؤمنون بالله
ولازم نكون متأكدين إننا لو فقدنا هذه الاسباب والشروط لن نكون خير أمة ولكن سنكون في بطن الحوت كما هو حالنا الأن
اللي بقوله ده مش دعوة مني لليأس...لأ...ديه دعوة للإنتفاضة ودعوة للإيجابية
زي سيدنا يونس ما عمل:- عرف غلطته وأعترف بيها وتاب وأناب الي الله فأنقذه الله مما كان فيه من ظلمات في بطن الحوت
واحنا كمان لازم نعرف غلطتنا...ونتوب عنها ونرجع تاني ،ونعرف إحنا
مأمورين بأيه من الله ونعيش عليه ونعيش عشانه ونبقي إيجابين مع نفسنا ومع
مجتمعنا .. وإن شاء الله سننقذ من بطن الحوت .. كما أنقذ الله سيدنا يونس
الرئيسية 
أحدث الصور 
التسجيل 
دخول 
